Арабок

Арабо́к[1] або ра́бчык (па-лацінску: Tetrastes bonasia ці Bonasa bonasia) — птушка сямейства цецеруковых атраду курападобных.

Арабок
Клясыфікацыя
Царства Жывёлы
Тып Хордавыя
Кляса Птушкі
Атрад Курападобныя
Сямейства Цецеруковыя
Род Рабчыкі
Від Арабок
Бінамінальная намэнклятура
Bonasa bonasia
Tetrastes bonasia

Пашыраны ў лясной зоне Эўропы і Азіі. Даўжыня да 40 см, маса да 580 г. Апярэньне рабое (адсюль назва), рыжавата-шэрае зь пярэсьцінамі. Аселая птушка, селіцца парамі ў вільготных лясах, асабліва па далінах рэк. Гняздуецца на зямлі. На Беларусі найбольш трапляецца ў паўночных раёнах. Народная назва арабак.

Мае вельмі далікатнае мяса і ў адрозьненьне ад большасьці іншых дзікіх птушак (курапатак, цецярукоў, глушцоў) не патрабуе шпігаваньня і бардзіраваньня пры прыгатаваньні. У мясе адчуваецца выразны смалісты прысмак і лёгкая «гарчынка», якія можна часткова выдаліць, вымачыўшы тушку ў халодным малацэ на працягу 1—2 гадзін. Рабчык пасьпявае зварыцца ў кіпячым малацэ за 3—4 хвіліны, пасьля чаго яго можна тушыць у масьле або сьмятане, з садавінай і інш. Рабчыка можна тушыць і без адварваньня, а таксама запякаць, папярэдне абсмажыўшы на масьле або шмальцы.

Высока цаніўся і ў польскай, і асабліва ў расейскай кулінарыі, у якой да пачатку XX стагодзьдзя лічыўся адным з сымбаляў (напрыклад, рабчык «па-астраханску» — смажаныя на патэльні рабчыкі падаваліся халоднымі з чырвонай ікрой; катлеты Пажарскага з рабчыка і г. д.).

. . . Арабок . . .

Артыкул створаны з дапамогай матэрыялаў з: Алесь Белы, праект «Наша ежа»

Арабоксховішча мультымэдыйных матэрыялаў

. . . Арабок . . .

This article is issued from web site Wikipedia. The original article may be a bit shortened or modified. Some links may have been modified. The text is licensed under “Creative Commons – Attribution – Sharealike” [1] and some of the text can also be licensed under the terms of the “GNU Free Documentation License” [2]. Additional terms may apply for the media files. By using this site, you agree to our Legal pages . Web links: [1] [2]

. . . Арабок . . .

Previous post Liste der Monuments historiques in Dommery
Next post Кубак афрыканскіх нацыяў 2013 году