Shaun Pollock

Shaun PollockOIS (16 Julie 1973 in Port Elizabeth, Kaapprovinsie) is ‘n voormalige Suid-Afrikaansekrieketspeler en kaptein van die Proteas. Pollock het saam met Allan Donald jare lank ‘n indrukwekkende boul-vennootskap gevorm. Van 2000 tot 2003 was hy die kaptein van die Proteas. Hy het onder meer tydens die Krieketwêreldbeker 1996, Krieketwêreldbeker 1999, Krieketwêreldbeker 2003 en Krieketwêreldbeker 2007 vir Suid-Afrika gespeel.

Shaun Pollock
Shaun Pollock in 2005
Volle naam	Shaun Maclean Pollock
Gebore	16 Julie 1973 (1973-07-16) (48 jaar oud) Port Elizabeth, Suid-Afrika
Bynaam(e)	Polly
Lengte	1,88 m
Kolfstyl	Regshandig
Boulstyl	Regterarm medium-vinnig
Rol	Veelsydig, voormalige kaptein
Familie	Andrew (oupa); Peter (vader); Graeme (oom)
Internasionale geskiedenis
Nasionale span	Suid-Afrika
Toetsdebuut (no 261)	16 November 1995 v Engeland
Laaste Toets	10 Januarie 2008 v Wes-Indië
EDI debuut (no 39)	9 Januarie 1996 v Engeland
Laaste EDI	3 Februarie 2008 v Wes-Indië
EDI hempno.	7
T20I debuut (no 10)	21 Oktober 2005 v Nieu-Seeland
Laaste T20I	18 Januarie 2008 v Wes-Indië
Eersterang spaninligting
Jaar(e)	Span
1992/93–2003/04	Natalse krieketspan
1996–2002	Warwickshire
2004/05	Dolfyne
2008	Mumbai Indians
2008	Durham
Loopbaanstatistiek
Kompetisie	Toets	EDI	1e rang	A-lys
Wedstryde	108	303	186	435
Lopies aangeteken	3 781	3 519	7 021	5 494
Kolfgemiddeld	32.31	26.45	33.11	26.66
100s/50s	2/16	1/14	6/35	3/24
Hoogste telling	111	130	150*	134*
Aflewerings geboul	24 353	15 712	39 067	21 588
Paaltjies	421	393	667	573
Boulgemiddeld	23.11	24.50	23.25	22.93
5 paaltjies in ‘n kolfbeurt	16	5	22	7
10 paaltjies in ‘n wedstryd	1	0	2	0
Beste boulontleding	7/87	6/35	7/33	6/21
Vangskote/Stonkings	72/–	108/–	132/–	153/–
Bron: ESPNcricinfo, 31 Desember 2013

Op 11 Januarie 2008 het hy sy aftrede van alle vorme van internasionale krieket aangekondig na sy 303ste Internasionale eendagwedstryd op 3 Februarie.[1] Hy doen nou vir SuperSport verslag oor Suid-Afrikaanse krieket. Shaun Pollock is in November 2021 in die IKR se Heldesaal opgeneem.[2]

. . . Shaun Pollock . . .

Shaun Pollock se toetsloopbaan begin op 16 November 1995 teen Engeland op SuperSport-park in Centurion. Hy het in 108 toetswedstryde vir Suid-Afrika gespeel.

Nadat Hansie Cronje van krieket verban is, het Pollock as kaptein in April 2000 oorgeneem. Hy is vervang ná Suid-Afrika se vertoning in die 2003-krieketwêreldbeker.

Alhoewel hy nie meer kaptein was nie, het hy sy plek in die span behou. Ná ‘n teleurstellende toetsreeksreeks teen Australië in 2005/2006 was hy gekritiseer dat hy sy boulvermoë verloor het. Hy het die laagste (beste) ekonomiese koers van enige bouler wat 300 EDI paaltjies geneem het,[3] en hy is ook die eerste Suid-Afrikaner en slegs die tiende speler om 400 toetspaaltjies te neem. In September 2007 is hy vir die eerste keer in sy loopbaan nie gekeur vir die Suid-Afrikaanse toetsspan nie.[4]

Hy het die meeste paaltjies vir Suid-Afrika geneem in toetse tot en met Dale Steyn hom op 26 Desember 2018 verbyvat. Hy het meer as 400 toetspaaltjies behaal en meer as 3 700 toetslopies in sy 108 toetswedstryde aangeteken.[4][5]

. . . Shaun Pollock . . .

. . . Shaun Pollock . . .