Bhoetan

Bhoetan (Dzongkha: འབྲུག་ཡུལ་, Druk Yul), amptelik die Koninkryk Bhoetan (འབྲུག་རྒྱལ་ཁབ་, Druk Gyal Khap), is ‘n landingeslote land in Suid-Asië. Dit is landgebonde tussen die Volksrepubliek China in die noorde en Indië in die suide, met die Himalaja in die weste en word deur die Indiese deelstaat Sikkim van Nepal geskei. Die land is ‘n demokratiese grondwetlike monargie, nadat die vorige koning, Jigme Singye Wangchuck, in 2005 bekend gemaak het dat die land van ‘n absolute monargie gaan oorskakel. Die eerste verkiesing is in 2008 gehou.[8]

Koninkryk Bhoetan

• འབྲུག་རྒྱལ་ཁབ་  (Dzongkha)

Vlag Embleem
Volkslied: Druk tsendhen (Dzongkha vir: “Die Donderdraak Koninkryk”)
Hoofstad	Thimphu 27°28′N89°39′O
Grootste stad	Thimphu
Amptelike tale	Dzongkha
Regering • Monarg • Eerste Minister	Unitêre parlementêre grondwetlike monargie Jigme Khesar Namgyel Wangchuck Lotay Tshering
Onafhanklikheid Vorming • Unifikasie van Bhoetan • Wangchuck-dinastie • Indo-Bhoetan-Verdrag • Grondwetlike monargie	1616–1634 17 Desember1907 8 Augustus1949 28 Julie2008
Oppervlakte  – Totaal    – Water (%)	38 394[1][2] km2 (133ste) 14 824 myl2 1,1
Bevolking  – 2016-skatting  – 2005-sensus  – Digtheid	797 765[3] (165ste) 634 982[4] 19,3 / km2 (196ste) 50,0 / myl2
BBP (KKP)  – Totaal  – Per capita	2018-skatting $7,701 miljard[5] $9 427[5]
BBP (nominaal)  – Totaal  – Per capita	2018-skatting $2,457 miljard[5] $3 118[5]
MOI (2017)	0,612[6] (134ste)  – medium
Gini (2017)	37,4[7] – medium
Geldeenheid	Ngultruma (BTN)
Tydsone  – Somertyd	BTT (UTC+06:00) nie toegepas nie (UTC+06:00)
Internet-TLD	.bt
Skakelkode	+975
a. Die Indiese roepee is ook ‘n wettige betaalmiddel.

Bhoetan is na ‘n burgeroorlog in die 19de eeu onder die Wangchuck-dinastie verenig en het politieke bande met die Britse Ryk gevestig. Bhoetan is nooit deur Brits-Indië beheer nie en het as ‘n bufferstaat tussen die Britse besetting in die suide en die Chinese Keiserryk in die noorde gedien, saam met die onafhanklike Himalaja-koninkryke Sikkim en Nepal verder wes. Die land se hoofstad en grootste stad is Thimphu. In 1988 is Dzongkha as amptelike landstaal verklaar. Die grootste persentasie van die bevolking is Boeddhiste met ongeveer 25% Hindoes.

Bhoetan beskik oor vrugbare valleie en grasvlaktes. Die klimaat in die suide is tropies terwyl die noorde bergagtig en koud is. Die meeste inwoners van die land boer met beeste of jakke (Engels: yaks). Die land is van landbou, bosbou, toerisme afhanklik en die verkoop hidroëlektriese krag aan Indië.

Bhoetan is ook bekend vir die ontwikkeling van die konsep bruto nasionale geluk (BNG).[9]Boogskiet word as die land se nasionale sportsoort beskou,[10][11] terwyl krieket in onlangse jare ook sterk groei ervaar het, veral weens die gewildheid daarvan op die Indiese subkontinent.

. . . Bhoetan . . .

. . . Bhoetan . . .

. . . Bhoetan . . .