第7屆香港立法會選舉

2021年香港立法會選舉,係香港特別行政區成立之後嘅第七屆立法會選舉,會重新選出全部議席,原定喺2020年9月6號舉行,其後改咗喺2021年12月19號舉行。

呢篇文或者呢個章節係關於將舉辦或進行緊嘅選舉
所以會因為選舉嘅接近或結果揭曉而有所變動或更改。

呢次係北京當局未經香港人同意或者事先諮詢,就大幅度削減立法會直選議席數目同比例,同時設立政治審查制度之後嘅第一次選舉,亦有評論形容,呢次選舉剝削咗一般市民嘅真正選擇權。因此民主派唔少代表人物明言杯葛,所以呢次亦係首次有主要政治派系明言唔參加嘅香港立法會換屆選舉。不過,有啲本來係民主派嘅人出嚟參選,亦引起咗關於佢哋係咪真係民主派或非建制派嘅討論。

由於呢次選舉被好多人視為非真正民主選舉,所以選舉氣氛亦比以往要低迷,有國際媒體發表社論呼籲香港人杯葛,有啲甚至形容呢場選舉係騙局,而換來香港政府嘅恐嚇。

. . . 第7屆香港立法會選舉 . . .

2020年6月12號,特區政府刊登香港憲報,將投票日定喺2020年9月6號[1],提名期由7月18號至7月31號[2]

2020年7月11-12號,泛民主派就決定人選進行泛民初選,希望可以攞到過半議席,逼使政府回應五大訴求

2020年7月30號,12名泛民主派香港本土派候選人俾選舉主任取消資格,包括4位尋求連任嘅議員郭榮鏗梁繼昌楊岳橋郭家麒同埋黃之鋒岑敖暉袁嘉蔚梁晃維鄭達鴻何桂藍劉穎匡鄭錦滿

2020年7月31號,行政長官林鄭月娥宣佈,因為武漢肺炎香港疫情肆虐影響公眾安全,所以引用《香港法例》第241章《緊急情況規例條例》訂立附屬法例第241L章《緊急情況(換屆選舉日期)(第七屆立法會)規例》,褪遲一年至2021年9月5號先至舉行立法會選舉,並向中央人民政府(國務院)尋求支持,並提呈全國人民代表大會常務委員會決定第七屆香港立法會議員嘅任期長度。

不過,呢個決定引起咗好大爭議,泛民主派陣營認為,親中建制派陣營係怕輸,擔心會好似上年區議會選舉咁大敗,令泛民主派無法喺議會乘勝追擊所作出嘅政治決定,粗暴褫奪市民投票的權利。呢次決定要由人大介入,係憲制嘅徹底崩塌。被禁參選嘅黃之鋒就話,北京或香港政府無任何基礎去押後選舉,批評政府對民主派嘅打壓超出香港同埋國際社會嘅預期[3]

一篇討論香港社會兩極化嘅學術文章提及,有啲選民並唔信納呢個理由,又用星加坡做例子,覺得當時疫情都控制得唔太好嘅星加坡都可以進行大選,用武漢肺炎為理由根本就係藉口。由於民間覺得無辦法表達對政府嘅意見,就借一啲事件(例如同年李偲嫣嘅死)製作二次創作嘅作品,去表達對政府同激進親中派嘅不滿。文章亦指,政府呢個決定,加劇咗社會嘅兩極化[4]

2020年8月11號,全國人民代表大會常務委員會通過延長第六屆立法會議員任期唔少於一年,直至第七屆任期開始。而香港特區第七屆立法會依法產生之後,任期仍然係4年。

. . . 第7屆香港立法會選舉 . . .

This article is issued from web site Wikipedia. The original article may be a bit shortened or modified. Some links may have been modified. The text is licensed under “Creative Commons – Attribution – Sharealike” [1] and some of the text can also be licensed under the terms of the “GNU Free Documentation License” [2]. Additional terms may apply for the media files. By using this site, you agree to our Legal pages . Web links: [1] [2]

. . . 第7屆香港立法會選舉 . . .

Previous post 拳擊
Next post Süchtig (Lied)