უოლტერ დონალდსონი

უოლტერ დონალდსონი (ინგლ. Walter Donaldson; დ. 4 იანვარი, 1907, კოტბრიჯი, შოტლანდია — გ. 1973, ბუკინგემშირი, ინგლისი) — შოტლანდიელი პროფესიონალი სნუკერისტი, სნუკერის მსოფლიო ჩემპიონატის ორგზის გამარჯვებული.

უოლტერ დონალდსონი
საერთო ინფორმაცია
დაბ. თარიღი: 4 იანვარი, 1907
დაბ. ადგილი: კოტბრიჯი
გარდ. თარიღი: 1973
გარდ. ადგილი: ბუკინგემშირი
მოქალაქეობა:  დიდი ბრიტანეთი
პროფესიონალური კარიერა: 1923—1953
უმაღლესი ბრეიკი: 142
მსოფლიო ჩემპიონატი: 2 (1947; 1950)

უოლტერ დონალდსონი პროფესიონალი უკვე 16 წლის ასაკში გახდა, მას შემდეგ, როდესაც მოიგო ეროვნული ჩემპიონატი ყმაწვილებს შორის. თუმცა თავისი სადებიუტო თამაში სნუკერის მსოფლიო ჩემპიონატზე მან გამართა 1933 წელს — მაშინ მან ნახევარფინალში დათმო ჯო დეივისთან. შემდეგ მან გამოტოვა კიდევ ხუთი ჩემპიონატი, ხოლო, როდესაც დაბრუნდა, მხოლოდ მეოთხედფინალს მიაღწია. როდესაც დაიწყო ომი, დონალდსონი ჯარში გაიწვიეს.

პირველივე ომისშემდგომ ჩემპიონატზე უოლტერმა დაამყარა ახალი რეკორდი სერიის სიდიდეში — ახლა ის შეადგენდა 142 ქულას, რაც იმ დროისთვის შესანიშნავი შედეგი იყო. უკვე შემდეგ პირველობაში დონალდსონი გამარჯვებული გახდა, მან ფინალში დაამარცხა ფრედ დეივისი ანგარიშით 82:63. ამგვარად, უოლტერი გახდა პირველი არაინგლისელი მოთამაშე, რომელმაც შეძლო მსოფლიო ჩემპიონატზე გამარჯვება.

თუმცა, უოლტერმა ვერ შეძლო შემდეგ წელს ტიტულის შენარჩუნება და დათმო ფრედ დეივისთან, მაგრამ მან პირველი ადგილი დაიბრუნა 1950 წლის მსოფლიო ჩემპიონატზე. შემდეგ მან ოთხჯერ ზედიზედ ითამაშა ფინალში, თანაც ყველა გადამწყვეტ მატჩში მას ეთამაშებოდა ფრედ დეივისი. მაგრამ დონალდსონმა ტურნირის მოგება მეტჯერ ვეღარ მოახერხა. ამ წარუმატებლობების შემდეგ მან თქვა, რომ იმედგაცრუებული იყო და წავიდა პროფესიონალური სნუკერიდან.

უოლტერ დონალდსონი გარდაიცვალა სახლში, ბუკინგემშირში, 1973 წელს და დღემდე ის ითვლება ერთ-ერთ ყველაზე ცნობილ სნუკერისტად მთელი ისტორიის განმავლობაში.

. . . უოლტერ დონალდსონი . . .

. . . უოლტერ დონალდსონი . . .

This article is issued from web site Wikipedia. The original article may be a bit shortened or modified. Some links may have been modified. The text is licensed under “Creative Commons – Attribution – Sharealike” [1] and some of the text can also be licensed under the terms of the “GNU Free Documentation License” [2]. Additional terms may apply for the media files. By using this site, you agree to our Legal pages . Web links: [1] [2]

. . . უოლტერ დონალდსონი . . .

Previous post ალაჰშუქიურ ფაშაზადე
Next post მეორე სვირი