Siero

Siero[1] ye un conceyu asitiáu na zona centru d’Asturies. Llenda al norte con Xixón, al este con Villaviciosa, Sariegu, Nava, y Bimenes, al sur colos conceyos de Llangréu y Samartín del Rei Aurelio, y pel oeste con Uviéu y Llanera. Nel centru del conceyu alcuéntrase’l de Noreña. La so estensión total ye de 211,23 km², y la so población actual ye de 51.667  habitantes (según los datos del padrón municipal de 2019), siendo La Pola Siero (capital), Llugones, la urbanización de La Fresneda y El Berrón lo sos nucleos de mayor población.

Siero
Alministración
Nome oficial Siero
País España
Autonomía Principáu d’Asturies
Provincia [[d:Special:EntityPage/Q24004403|{{{2}}}
Partíu xudicial Siero
Capital La Pola Siero
Alcalde de Siero Ángel García(Partíu Socialista Obreru Español)
División
Xeografía
Coordenaes 43°23′38″N5°38′04″O
Superficie 211,23 km²
Llenda con Villaviciosa, Sariegu, Nava, Llangréu, Samartín del Rei Aurelio, Uviéu, Llanera, Noreña, Xixón y Bimenes
Altitú media 0 m
Demografía
Población 51 509 hab. (2020)
Densidá 243,85 hab/km²
Más información
Estaya horaria UTC+01:00
ayto-siero.es

. . . Siero . . .

El territoriu qu’anguaño ocupa Siero, tuvo habitáu dende época paleolítica, como lo atestigüen distintos xacimientos prehistóricos alcontrados nelli. Apaez un grupu de cuatro túmbalos nel Altu la Mayá (Espinera) y otru grupu de trés nel Cantu Negru (Bobes). Otros xacimientos alcontraos son: el conxuntu llíticu de Meres en Tiñana, el xacimientu del Regueru del Campón n’Argüeyes, el xacimientu de Paredes en Llugones, y el conxunto llíticu de Vallín en Llimanes.

De la época comprendida ente la edá del bronce y la edá de fierro son los castros descubiertos nel conceyu destacando l’afayáu nel Picu Castiellu de La Collá que pertenez güei al muséu arqueolóxicu d’Asturies. Otros castros del conceyu son los de La Canterona en Tiñana, el Cuito en Valdesoto, y la Torre y Monte Les Muries en Llugones.

La colonización romana dexa distintes amueses nel conceyu, como les pontes de Cualloto, Bergueres, Llugones, y La Pola, que pasaba pel ríu Secu y que quedó destruyíu nel sieglu XIX.

La primer referencia documental de Siero apaez na edá media, alredor del añu 905, nel que’l monarca Alfonsu III el Magnu, dona a la basílica uvieína la Ilesia de Santa María, asina como la de Samartín de Siero. Nel añu 967 dónase la ilesia de San Félix d’Hevia.

Na edá media ,y al ta trevesáu’l conceyu pola ruta conocida como Camín de la Costa, apaecen nel conceyu dellos hospitales y agospios pa les persones que facíen la pelegrinación, fundándose nel añu 1141 un hospital nel llugar conocíu como Ríu Secu. Otros centros hospitalarios del conceyu son La Malatería de Marcenáu en 1274 y la de La Paranza.

En 1146, Alfonsu VII permutó con María Gómez y sos fíos, la villa de Siero a cambiu de la heredá en Vega de Doña Olimpa.[2]

La población más grande ye Llugones, asitiada na llende col conceyu d’Uviéu y nun habiendo más qu’un parque y el ríu Nora ente ella y La Corredoria, primera población d’Uviéu. Esta población tien unos 13.000 habitantes y una previsión de crecimientu de hasta 30.000 nos prósimos años cola construcción del denomáu “Nuevu Llugones”, en proyeutu. Por mor de ser la población más grande hebo un movimientu nel pasáu mui desargáu pero agora en llixera decayencia que quier promover la dixebra de Llugones del conceyu de Siero, xunto con La Fresneda y El Carbayu, dos poblaciones anguaño consideraes independientes, magar que tradicionalmete consideráronse barrios de Llugones. Llugones foi una villa industrial hasta mediaos de los 90, pero agora nun queda casi nada d’aquellos tiempos, toles fábriques tán pesllaes magar que se conserva un polígunu industrial al par de la población.

La siguiente población por habitantes ye la capital del conceyu, La Pola Siero, con unos 12.700 habitantes nos últimos censos.

Llueu hai abondes llocalidaes pequeñes repartíes, siendo la más grande d’elles Urbanización La Fresneda, una urbanización antiguamente considerada barriu de Llugones siguida de cerca por El Berrón.

. . . Siero . . .

This article is issued from web site Wikipedia. The original article may be a bit shortened or modified. Some links may have been modified. The text is licensed under “Creative Commons – Attribution – Sharealike” [1] and some of the text can also be licensed under the terms of the “GNU Free Documentation License” [2]. Additional terms may apply for the media files. By using this site, you agree to our Legal pages . Web links: [1] [2]

. . . Siero . . .

Previous post Mónica Bengoa
Next post Caribe (rexón)