Alvar Aalto

Hugo Alvar Henrik Aalto,[6] internacionalmente conocíu como Alvar Aalto(3  de febreru de 1898, Kuortane – 11  de mayu de 1976, Ḥélsinki)[6][7] foi un importante arquiteutu y diseñador finlandés. Formó parte del Movimientu Modernu y participó nos CIAM (Congresos Internacionales d’Arquiteutura Moderna). Foi l’únicu arquiteutu de la Segunda xeneración del Movimientu Modernu reconocíu como «maestru», oldeándose asina a los grandes maestros del Periodu heroicu del Movimientu ModernuLe Corbusier, Mies van der Rohe y Gropius.[6][8] Nel so honor concédese cada cinco años el premiu Premiu Alvar Aalto.[9]

Alvar Aalto
Vida
Nacimientu	Kuortane[1], 3  de febreru de 1898 [2]
Nacionalidá	Finlandia
Residencia	Villa Aalto(en)
Llingua materna	Finlandés
Muerte	Ḥélsinki[3], 11  de mayu de 1976 [2] (78 años)
Sepultura	Cementerio de Hietaniemi(es)[4]
Causa de la muerte	enfermedá cardiovascular
Familia
Casáu con	Aino Aalto (1924 –  13 xineru 1949) Elissa Aalto(es) (1952 –  11 mayu 1976)
Estudios
Estudios	Universidá Politéunica de Ḥelsinki Jyväskylän Lyseon lukio(en)
Llingües falaes	Finlandés
Alumnu de	Jonas Heiska
Oficiu	arquiteutu, diseñador, urbanista
Llugares de trabayu	Jyväskylä, Ḥélsinki, Turku y Cambridge
Trabayos destacaos	Biblioteca de Viipuri(es) Sala Finlandia(es) Baker House(en) Sanatorio de Paimio(es) Ayuntamiento de Säynätsalo(es) Helsinki University of Technology Main Building(en) Aalto-Theater(es) Aalto Vase(en) Paimio Chair(en) Model 60 stacking stool(en)
Premios	ver miembru de l’Academia Estauxunidense de les Artes y les Ciencies honorary Royal Designer for Industry (1947)[5] Medaya del Príncipe Eugenio (1954) Medaya d’Oru del RIBA (1957) Medaya d’Oru del AIA (1963) honorary doctor of the Vienna Technical University (1965) Medaya Alvar Aalto (1967) Orde del Méritu de les Ciencies y les Artes (1969) Condecoración Austriaca de las Ciencias y las Artes (1974)
Miembru de	Academia Estauxunidense de les Artes y les Ciencies Congresú Internacional d’Arquiteutura Moderna Academia Estauxunidense de les Artes y les Lletres
alvaraalto.fi

. . . Alvar Aalto . . .

Aalto nació en Kuortane, nel senu d’una familia de cultura occidental clásica. El so padre, Johan Henrik Aalto, quien realizaba proyeutos medioambientales, púnxo-y en contautu cola proteición finlandesa pa cola naturaleza.[11] So madre, Selma Mathilda Hackstedt, yera profesora.[6]

Estudió bachiller en Jyväskylä y arquiteutura no que güei ye la Universidá Politéunica de Helsinki, onde dellos profesores, y n’especial Armas Eliel Lindgren, pertenecíen al nacionalismu románticu,[6][7] movimientu artísticu que buscaba nos raigaños históricos y identitarios de Finlandia pa eponderala. En 1917 alístase na Guerra Civil Finlandesa, entamada en 1918.[6][12] Dempués de graduase en 1921 realizó un llargu viaxe d’estudios pel norte d’Europa.[6][12] En 1923 abrió’l so propiu estudiu d’arquiteutura en Jyväskylä.[7] En 1925 casó con Aino Marsio,[6] arquiteuta que collaboró en dellos de los sos proyeutos. Los dos xuntos viaxaron per Europa Central ya Italia.[6] Mientres esa década participó del pensamientu de delles vanguardies, especialmente de Bauhaus, y estableció contautos con artistes y críticos, ente los que destacó Laszlo Moholy-Nagy.[11] En 1928 foi nomáu miembru de los CIAM, los congresos más importantes d’arquiteutura moderna, nos que participaben arquiteutos de la categoría de Le Corbusier y Sert. Tamién collaboró un tiempu con Erik Bryggman, quien los encamentó a adoptar una modernidá más pura y funcionalista, enfrentándolo al clasicismu nórdicu de les sos primeres obres.[6][7]

En 1927 treslladóse primero a Turku y depués a Ḥélsinki en 1933,[12][7] siendo yá un arquiteutu de cierta reputación. La esposición de muebles en Londres d’esi añu, entamada por P. Shand, foi la primera de les munches esposiciones internacionales de la so obra, como la del MOMA en 1938.[6] En 1935 la so esposa Aino Marsio, Marie Gullichsen y él fundaron la empresa Artek, dedicada a la producción en serie de los diseños de la pareya d’arquiteutos.[6] Pa ella diseñó la primer siella sofitada nuna estructura de madera autoportante, que foi patentada. Una de les sos pieces clásiques de la producción empresarial ye’l xarrón Aalto, tamién llamáu Savoy.

Trabayó mientres unos años nel estranxeru, volviendo a Finlandia en 1940, acabada la Primer guerra ruso-finlandesa.[6] Unu de los sitios onde moró foi Estaos Xuníos, onde foi nomáu profesor d’arquiteutura nel Institutu Teunolóxicu de Massachusetts (MIT poles sos sigles n’inglés) de Boston.

En 1942 escoyóse-y presidente de la Asociación d’Arquiteutos Finlandeses. Rematada la Segunda guerra ruso-finlandesa en 1944 realizó dellos proyeutos urbanísticos una vegada nomáu xefe de la oficina estatal establecida pa la reconstrucción del país.[6] Mientres la Segunda Guerra Mundial entró en contautu col clasicismu nazi de la mano del so principal representante, Albert Speer. Ente 1946 y 1948 vivió n’Estaos Xuníos, subsistiendo como arquiteutu y profesor. Entós conoció a Frank Lloyd Wright.[6]

Primero de la muerte de la so primer esposa Aino Marsio, los trabayos espublizaos na oficina taben usualmente roblaos como «Aino and Alvar Aalto». Aino collaboraba direutamente como diseñadora n’aspeutos domésticos de los proyeutos. El so calter paciente y calmo foi un balance importante na vida impulsiva y poco ortodoxa d’Aalto.[13]En 1949 la so esposa Aino Marsio fina y en 1952 casa con Elissa Mäkiniemi, al igual qu’Aino arquiteuta y collaboradora,[6][7] quien dirixó la construcción de los proyeutos inacabaos a la so muerte,[7] asocedida’l 11 de mayu de 1976 en Ḥélsinki.

. . . Alvar Aalto . . .

. . . Alvar Aalto . . .